يوميات غريب بالقاهرة
يا أم خااالد... يا يوووسف
يا يوسف أجرى شوف طنط أم أسماء عاوزة أيه
تلاقيها جايبة طبق كنافة وللا قطايف
ياعم أنت كل تفكيرك فى بطنك ربنا يصبرنا عليك فى رمضان
أهو ياعم الدوك مش قولتلك حلويات من اللى قلبك يحبها
طب جبت بقى التمر اللى هنفطر بيه يا فالح
عيب عليك يا كبير أنا موصّى عم أبو علاء يحجزلى كيسين
لمض لماضة
بص يا خالد يا أخويا... الدنيا دى عاوزة المفهومية لكن خلى بقى المشارط اللى معاك دى تنفعك
أنت يللللاه
طول عمرك... تقول كلمتين وتجرى
يا بابا قول للواد دا يهدى
تعالى يا يوسف سيب خالد اخوك وقولى خدت أيه النهاردة فى المدرسة
بابا ... أنا أسف مش هضايق خالد تانى سلامو عليكو
أنت يا ولـــــــــد ... خد هنا
الله أكبر الله أكبر
خالد ... خالد
أيوة يا وليد
يابنى أصحى شوية بقى من الأكتئاب اللى انت فيه دا أمتحانات البكالوريوس على أبواب يا فالح
وليد... أنت هتعيش وفاكرلى نفسك دكتور بجد قولتلك دا مش أكتئاب
ده أحساس غريب
أحساس بإن طول عمرك بتعيش انهاردة لبكرة ولأول مرة تحس إنك بتعيش بدقيقة فاتت
أحساس إن الغربة فقط لمن هم تركوا بلادهم بل إن الغربة أحيانا لمن يحيا بين جدرانه
M. Sabry
