يوميات غريب بالقاهرة
اليوم الثالثيا حضرة لو سمحت فى تأشيرة بأسم سندريللا قايمة على الرحلة رقم 4350 رايحة دُبى
سندريللا... مش عارف أتخيل الحياة من غيرك هتبقى أزاى
يللا هى دى سنة الحياة
ناس تربّى وناس تيجى تتجوز على الجاهز حظك حلو يا عم محمد طب والله العظيم لو ماخدش باله منها شوف بقى هيحصله ايه
يللا يا ماما أدى الباسبور فين بقى عم البشمهندس محمد اللى هياكل على الجاهز دا
يوووه عليك يا خالد... بدل ما تدعيله يجي بالسلامة فاضله ساعات ويوصل
قد وصلت الطائرة الآتيه من مطار دبى الدولى
صوتها حلو أوى البت اللى بتتكلم فى الميكروفون دى
أنت ياض يا يوسف أحترم نفسك
أسمها بنت مش بت وأسكت بقى خلينا ندورعلى محمد
وحشنى أوى يابنى حمدا الله على السلامة
قولى عمل أيه وكلت أيه وشربت أيه ولبست أيه وقولت أيه وماقولتش أيه
حلاوتك يا ماما فى ليالى الحلمية اللى أنتى عايشة فيها دى ياستى بس نروّح والراجل يستريح
دا تقريبا ملخص السنتين اللى فاتوا قولى بقى يا عمى جاهزين على الفرح إن شاء الله
على خيرة الله يابنى ربنا يتمم بخير
أتمخترى يا حلوة يا بيضا
خالد.... خالد يا خالد
عاوزأيه يا يوسف
أسمها زينة مش بيضا...أموت وأعرف دخلوك طب أزاى
أرحمنى يارب... يا عم عبقرينو سيبنى أقول بيضا خضرا سيبنى أعيش اللحظة
يعنى أنت تعيش اللحظة وتنكد على اللى حواليك ثم إن صوتك وحش
لحظات أعيشها بمفردى قد تحولت الدنيا على غير المعتاد
كل شىء كما هو ولكن دون لونها الذى يعطى لها بهجتها
أحيا حياة... أنا ونيسى فيها
أين حضن أمى الحنون الذى كان يزيح عنى الهموم
وأين تعليقات أخى الذى تضحكنى مع رخمتها
وأين أنا... مازلت أسال نفسى من الغريب ؟
.مازلت فى بيتى ومازلت فى بلدى ولكن تركتنى الحياة وذهبت مع أناس خلف الحدود
M. Sabry
