نص حالـــة
مشاهدين بنتمتع بالمشاهدة
وللا ممثلين بنتمتع بالتمثيل
ولا ده ولا ده أحنا خلف الكواليس بنتفرج على الأتنين
بقينا شايفين زيادة عن اللزوم شايفين من تحت الهدوم
شايفين قلوب وأحاسيس وحاجات كتير ملهاش لزوم
حقيقة وللا مزيفة...مابقتش حاجة مستخبة
أصل أحنا مابقناش بنى أدميين
بقينا فصيلة جديدة ومش عارف بالظبط أحنا مين
اللى عارفه إننا عايشين وحاسين والجديد أننا فاهمين
أحسدك أيها القارىء لو مش فاهم حاجة
يبقى أنت عايش على قيد الحياة...وحياتك تمام ومش محتاجة
فأما الكاتب لولا الكلام اللى بنقرأه لأتهمته بإنه ولا حاجة
غريب زى القمر...يستطيع رؤية كل شىء
يسمع ويرى ولكنه لا يتكلم... يصمت ويصمت
ويذهب دون أن ندرى ويأتى دون أن ندرى
قمر غريب يحدثنا عن أحوالنا بضوء
لا يراه من لا يصمتون
و يشعر به من لا يتكلمون
الرسائل تصل إلى من هم تركوا الأدمية
وصاروا يعيشون ألف حالة وحالة
ولا عايشين بحالة عادية زى أى حالة
جزء من حالة وجزء تانى من حالة
عشان يبقوا مش عايشين غير نص حالـــة
M. Sabry
