الحلقة الأخيــــــرة
أهلا بكم أعزائى المستمعين فى حلقة جديدة من أذاعتكم أذاعة الحلقة الأخيرة... واللى بيستضيفنا فيها كبار
الدكاترة والأساتذة وبيحضر معانا شباب من كل الأعمار يسألوا ويتكلموا... وهنتكلم أنهاردة عن موضوع يهمنا كلنا فى حياتنا ويهم كل الشباب....حلقة أنهاردة بعنوان الحب
بتحبها ومش عارف تقولها... بتحبيه ومش قادرة تصارحيه... صارحتها لكن رفضتك... ظروف الحياة تمنعكم... بتحبيه وبيحب غيرك... مش عارفه هو بيفكر أزاى... مش عارف أنت ماشى صح وللا غلط
هناقش ونسأل ونعيش لحظة بلحظة من جوا كل شاب... فى حلقتنا أنهاردة هنناقش كل المشاكل اللى بتقبلنا فى الحياة العاطفية... وتخص كل حبيب وحبيبة ويتفضل الدكتور ببداية حلقتنا لننتقل بعد ذلك لمواجهة المشاكل وتحليلها وأقتراح الحلول... أتفضل يا دكتور: ما معنى الحب؟
الحب هو دفىء مشاعر فى جو الشتاء ...هو الأمان اللى مش بتحسه مع حد... هو الكلمات الرقيقة اللى بنحس بيها... هو قلب ينبض... هو دموع هو فرح وسعادة... هو حزن... هو قلب جريح... هو تفكير ليل نهار... هو عدم النوم ... هو الأحلام اللى بنحلم بيها وأحنا صاحيين... الحب... كلمة جميلة معناها كبير...كبير أوى... يمكن مش بنسمعها... عشان الكلمة ده بتتحس مش بس بتتقال... ممكن يكون فى تبادل مشاعر بدون كلمة واحدة... هو حديث القلوب... هو قلبين بيكلموا بعض من غير مايبقوا مع بعض... هو قلبين بيحسوا بعض... هو قلبين كل واحد يفرح عشان التانى فرحان.. ويزعل عشان التانى زعلان... الحب يعنى شقة واسعة أو عش صغير... الحب هو قلبين يسمعوا كلمة ماما و بابا... الحب يعنى النظر إلى القمر لإن القلبين بينظروا فى نفس اللحظة... الحب يعنى مافيش مشاكل مهما كان... مافيش حاجة أسمها ظروف حياة... مادام فى حب يبقى هو حل لكل المشاكل
نأسف لمقاطعك يا دكتور فاصل إعلانى قصير ونعود
تذكر ...تذكر...تذكر... الله... محمد... الجنه... النار... القيامة... الصراط... النفخ فى الصور... البعث من القبور... تطاير الكتب... الكل ينظر حوله فى جنون... يا أيها الناس أتقوا ربكم إن زلزلة الساعة شىء عظيم... زلزلة الساعة... زحام... أناس كتيرون... ينتظرون وخائفون... وهناك صوت عالى ينادى عليك ويقول... فلان أبن فلان... هلم للعرض على الجبار... أناس يقال لهم بشراكم اليوم جنات... وأناس يقال لهم أخسئوا فيها فإنكم ظالمون... تتذكر كل لحظة وكأنها تمر أمام عيناك... يوم يقضى كل فرد أضاع الصلاة وسط النيران... يتوضأ من نار ويصلى على نار... تحترق الجلود وتتبدل... وينادووووون يا مالك فليقضى علنا ربك... نار وقودها النار والحجارة... يوم ينادوا أهل النار أهل الجنة...أفيضوا علينا من الماء... يوم يضرب بسور له باب... باطنه فيه الرحمة وظاهرة من قبله العذاب... يوم يقول أهل النار لأهل الجنه... ألم نكن معكم... قالوا بلى ولكنكم ظلمتم أنفسكم وتربصتم وأرتبتم وغرتكم الأمانى... وغركم بالله الغرور... يوم يفر المرء من أخيه وأمه وأبيه وصاحبتيه وبنيه... جائت سكرة الموت بالحق ذلك ماكنت منه تحيد... ونفخ فى الصور ذلك يوم الوعيد... لقد كنت فى غفلة من هذا... لقد كنت فى غفلة من هذا... فكشفنا عنك غطائك فنظرك اليوم حديد... يوم نقول لجهنم هل أمتلأتى وتقول هل من مزيد... هل من مزيد... هل من مزيد... يوم النعيم... يوم الجنة والفردوس... يوم الجلوس مع النبى...شربة هنيئة... لا ظمأ بعدها... جنات تجرى من تحتها الأنهار... أزواج مطهرة... رضوان من الله... قصور وأنهار... أنهار من لبن مصفى... وأنهار من عسل و خمر لذة للشاربين...على وجوههم نضرة وسرور... وجزاهم بما صبروا جنة وحريراً... متكئين فيها على الأرآئك لايرون فيها شمساً ولا زمهريراً... ويطاف عليهم بأنية من فضة... عينناً فيها تسمى سلسبيلاً... يطوف عليهم ولدان مخلدون إذا رأيتهم حسبتهم لؤلؤاً منثوراً... وإذا رأيت ثم رأيت نعيماً وملكاً كبيراً... عاليهم ثياب سندس خضر وأستبرق وحلو أساور وسقاهم ربهم شراب طهوراً... تذكر تذكر تذكر.... برنامج تذكر يذاع كل أسبوع
عدنا ثانياً أعزائى المسمتعين لحلقتنا... الحب... ولكن نعتذر لألغاء الحلقة... كل الشباب الحاضريين رفضوا تكملة الحلقة بعد بكاء لا نعلم سببه أثناء الفاصل الأعلانى... نعتذر مرة أخرى ونوعدكم بحلقات أكثر تشويقاً... والحلقة الأخيرة
M. Sabry
