فرصة ارتباط
لو افترضنا انك مسؤول عن مشروع وهتعمله بنفسك
وكتبت كود رائع والمشروع تحفة لكن مش عارف تعمله يوزر انترفيس
وناس تانية كانت مسؤولة عن نفس المشروع وعملوا الانترفيس تحفة لكن المشروع سىء.. ونزلتوا السوق عشان كل واحد يعرض منتجاته
لحظة هنا بقى
كل واحد مننا هو بالفعل مشروع بشخصيته وحياته وطباعه
في اشخاص كتير معدنها رهيب طيبة واخلاق ومبادىء لكن للأسف مش عارفين يظهروا شخصيتهم وسط المجتمع بيبقوا عاملين ذي مناجم الدهب مش بسهولة تعرف انه شخصية تحفة لانه مش عارف يسوق لنفسه
وفى ناس العكس معدنها مش هقول مفرغ لكن في عيوب كتيرة ومنخدعين بالشخصية الساحرة اللى هو مكونها لنفسه قدام الناس وجذب انتباهنا اذا كان بكلامه وللا بمظهره وقدر بنجاح يعمل اجمل يوزر انترفيس لنفسه
اللمحة اننا ندي فرصة للشخصيات الغير لامعة للكشف عن معادنها
ولو هتكلم بشكل خاص يبقى خلينا نتكلم عن الارتباط
ممكن واحدة تبقى قدامك فى نظرك انها مش اد كدا ورافض مبدأ التفكير اصلا فى حين ان معدنها ممكن تكون الزوجة الصالحة اللى هتقدر تكمل معاك الحياة بنجاح مش بفشل او تعب وتحس انها بتكملك احسن من واحدة تانية لها بريق واضواء وشخصية ساحرة وبتستكترها على نفسك
وانتى كمان... ممكن اللى متقدملك ومش ستايل وملفت للنظر عشان تفكيرك لما بنات عماتك وزملاتك يشوفوه هيقولوا ايه
اديله فرصة ماترفضيش مبدأ التفكير فيه يمكن يكون احسن من الشاب اياه اللى اي واحدة بتتمناه
زوج صالح... يبقى صالح بجد بكل صفاته شجاعة مروءة يوفرلك امان مش لازم يكون سوبر ستار ولا مستر ايجبت
زوجة صالحة ... تبقى صالحة بجد بصفاتها الود الاخلاص الامومة تدبير شؤون سفينة الحياة مش لازم تبقى سفيرة ولا ملكة جمال
عاوزين نخلق فرص للارتباط اللى بجد اللى المعادن فيها هى اللى ليها الأولوية
من ناحية عشان ننجح في تقليل ازمات المجتمع من العزوبة والعنوسة
ومن ناحية تانية عشان لما يبقى فى ارتباط مدروس وقائم على صفات حقيقية
ومش مجرد شو إجتماعي هيقلل نسبة الانفصال و هيزود السعادة الزوجية
محمد صبري
لو افترضنا انك مسؤول عن مشروع وهتعمله بنفسك
وكتبت كود رائع والمشروع تحفة لكن مش عارف تعمله يوزر انترفيس
وناس تانية كانت مسؤولة عن نفس المشروع وعملوا الانترفيس تحفة لكن المشروع سىء.. ونزلتوا السوق عشان كل واحد يعرض منتجاته
لحظة هنا بقى
كل واحد مننا هو بالفعل مشروع بشخصيته وحياته وطباعه
في اشخاص كتير معدنها رهيب طيبة واخلاق ومبادىء لكن للأسف مش عارفين يظهروا شخصيتهم وسط المجتمع بيبقوا عاملين ذي مناجم الدهب مش بسهولة تعرف انه شخصية تحفة لانه مش عارف يسوق لنفسه
وفى ناس العكس معدنها مش هقول مفرغ لكن في عيوب كتيرة ومنخدعين بالشخصية الساحرة اللى هو مكونها لنفسه قدام الناس وجذب انتباهنا اذا كان بكلامه وللا بمظهره وقدر بنجاح يعمل اجمل يوزر انترفيس لنفسه
اللمحة اننا ندي فرصة للشخصيات الغير لامعة للكشف عن معادنها
ولو هتكلم بشكل خاص يبقى خلينا نتكلم عن الارتباط
ممكن واحدة تبقى قدامك فى نظرك انها مش اد كدا ورافض مبدأ التفكير اصلا فى حين ان معدنها ممكن تكون الزوجة الصالحة اللى هتقدر تكمل معاك الحياة بنجاح مش بفشل او تعب وتحس انها بتكملك احسن من واحدة تانية لها بريق واضواء وشخصية ساحرة وبتستكترها على نفسك
وانتى كمان... ممكن اللى متقدملك ومش ستايل وملفت للنظر عشان تفكيرك لما بنات عماتك وزملاتك يشوفوه هيقولوا ايه
اديله فرصة ماترفضيش مبدأ التفكير فيه يمكن يكون احسن من الشاب اياه اللى اي واحدة بتتمناه
زوج صالح... يبقى صالح بجد بكل صفاته شجاعة مروءة يوفرلك امان مش لازم يكون سوبر ستار ولا مستر ايجبت
زوجة صالحة ... تبقى صالحة بجد بصفاتها الود الاخلاص الامومة تدبير شؤون سفينة الحياة مش لازم تبقى سفيرة ولا ملكة جمال
عاوزين نخلق فرص للارتباط اللى بجد اللى المعادن فيها هى اللى ليها الأولوية
من ناحية عشان ننجح في تقليل ازمات المجتمع من العزوبة والعنوسة
ومن ناحية تانية عشان لما يبقى فى ارتباط مدروس وقائم على صفات حقيقية
ومش مجرد شو إجتماعي هيقلل نسبة الانفصال و هيزود السعادة الزوجية
محمد صبري
