‍‍Sabrysoft Notes: هي مصر لونها ايه

هي مصر لونها ايه Sabrysoft ألفريد

مصر لونها لون غراب
تمشي كتير فاكرها لمبة
وهى فى الاصل اصلا ضباب
فاكرها مية تجري تشرب
وتطلع في الأخر سراب
هتقولي وردي... قول
قول وسمعني صوتك
مانت لما بتشوف سوادها
مابنسمعش غير سكوتك
جي دلوقتى تقولي وردي... طب امشي
امشي عشان ماعكش فى الكلام
دانت دايق الذل اشكال والوان
فاكر من تلاتـــــــين سنة
ساعة ماكنت بترسملي فى احلام
عارف ساعتها قولتلك ايه
قولتلك انا جعان.. ايوة جعان
جعان مش لاقي حاجة تسد جوعي
جعان مش لاقي مية تطفي نار ضلوعي
جعان آمان مش لاقي حاجة اعملها في وش الظلم غير خضوعي
دنا يابني روحت لعم عبد الرؤوف
قولتله يا عم عبده هات بربع فول
قالى بذمتك مش مكسوف
بتقولها كدا عادي ووشك مكشوف
يا باي على الناس.. معندهمش احساس
لفيت بضهري وانا مستغرب
الواحد فى بلده وبين اهله وجيرانه ومتغرب
وجي تقولي لونها وردي
يابني شوف نفسك دانت لابس نضارة من غير عدسات
طب دنا اعرف واحد زيك مرة بص فى المراية طق مات
عتقولي نظرة مأسوية احاسيس سلبية مهلبية
دا مصر لونها لون غراب صوتها صوت غراب
مش عارف الواحد يعمل ايه فى البلد ديه
اهو عايشين بلا امل بلا هدف بلا هوية
يا عم سيبنى فى حالى.. ابوس ايدك سيبنى فى حالى
وماتصعبهاش عليا

M. Sabry

About Author

لست كاتبا ولست شاعرا إنسان له عين ترى وأذن تسمع وله قلب يضخ الدم في الشريان لست ذلك الكاتب المشهور الذي يسعى ان يقرأ الجميع ما يكتبه لأجل المال اوالشهرة ولما أسعى للشهرة إن كنت مشهورا بالفعل مشهور بداخلى اكتب ما اريد ان اكتبه ليس مايريد القارىء أن يقرأه ايام ودقائق بل ثوان تمر بنا بعدد لا نهائي من المشاعر والافكار لو دونتها فما كفت الحياة لتدوينها سترى بعيني وتسمع بأذني وسأضع قلبي مكان قلبك تشعر بنبضاته وتحب ما أحب وتكره ما أكره فمادمت انت هنا فأنت هو انا